محمد نوح
كتبهاخالد النشوقاتي ، في 24 أبريل 2009 الساعة: 12:04 م
شفته
على باب الفتوح
وسمعته آدان بيصلى00للوطن
وف قلب العتمه الرخوه
لقيت صوت راجل
اجمل من النقش المملوكى
على حيط لجدار00الضل
استنى عليه
وعمل م العتمه ملامح
لكن
باب النصر هناك مفتوح
فاتمدت ايد
وخرج م القلب شديد
الصوت اللى اترجت له جدران الحاره
وشواشى النخل
وبدا كنسيم الضوء
اللى اتفجّر فى العتمه حياه
ياااااااه
يا قلب وغنى للكون لمداه
لحقيقه
وكأن الناس الخايفه بتستناه
الله
يا معطر صدرك بتراب الوطن الاسمر
انفض فى عروقك يا اسمر
حنى طراطيف الغنا واشغلنى
ده انا ياما سهرت الليل مع مددك
واتمنيتك لحن وغنوه
تتغنى فى حاره فى عطفه
تتغنى على سطوح على قهوه
تتغنى على الطبليه
واحنا بناكل ونغنى
واحنا مصاحبين الصبح
ورايحين الشغل وبنغنى
فتشقشق
زى الشمس م تطلع يوم بدرى
يا ابن النيل يا اسمر
خدت من الاصوات الحيه
حياه
وعملت سفينه
فى قلب طوفان الحلم
نجاه
يا الله
لا تنسانا
خالد النشوقاتى
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
مايو 9th, 2009 at 9 مايو 2009 7:54 م
ولله العظيم استاذ وكبير طول عمرك ومنور كل اكون وكلمك بردو علينه وعلى ترخنا وعلى دنياتنه وعلى حتتنه على طول مشرفنا ولله ياباشا حلوه ده تباقا شويه على احلا كلم واحلا شعر اخوك كريم على مهدلى
مايو 16th, 2009 at 16 مايو 2009 4:00 ص
عليك الأمان000إظهر وبان 000مجددا أدعوك لزيارة مدونتاى :مصحصحين ومسافرين