امبارح
كتبهاخالد النشوقاتي ، في 15 مارس 2008 الساعة: 17:54 م
امبارح
امبارح قمت من النوم متأريف
ما خرجتش ولا رحت الشغل
قلت في سري
يبقي اليوم ده مش حا يعدي بسيط
قلت ياواد اتسلي
واتفرج ع التلفزيون
من حسن الحظ
كان كل اللي انا شفته
برامج فكاهيه
ومساخر شعبيه لذيذه
الدنيا جميله وبمبي
امال مالي
متعكنن ليه
اللي معانا من امبارح
قاعدين لنهاية البشريه
ووجودهم صعب
وخروجهم صعب
نفسنا نفهم معني الحريه
الحريه
انك تختار الناس القاعده
زي ماهيه
سيبكوا من الناس التانيين
دايما بيقولوا عن التغيير
والتوريث والدساتير
القاعدين
قاعدين بقانون وضع اليد
بقانون ايكا
الحاله تمام وعظيمه ياويكا
وان بان فيكا
قصدي جويكا
تمرد ع البولوتيكا
يبقي حا يخرموا صاحبيكا
وحا يفضل مستقبلكا
وكل حاضركا
زي ماضيكا
فا لقيتني باصرخ
يخرب بيت امريكا
وباضحك
وباموت علي روحي من الضحك
يبقي اليوم ده مش حا يعدي بسيط
قلت ياواد اتسلي
واتفرج ع التلفزيون
من حسن الحظ
كان كل اللي انا شفته
برامج فكاهيه
ومساخر شعبيه لذيذه
الدنيا جميله وبمبي
امال مالي
متعكنن ليه
اللي معانا من امبارح
قاعدين لنهاية البشريه
ووجودهم صعب
وخروجهم صعب
نفسنا نفهم معني الحريه
الحريه
انك تختار الناس القاعده
زي ماهيه
سيبكوا من الناس التانيين
دايما بيقولوا عن التغيير
والتوريث والدساتير
القاعدين
قاعدين بقانون وضع اليد
بقانون ايكا
الحاله تمام وعظيمه ياويكا
وان بان فيكا
قصدي جويكا
تمرد ع البولوتيكا
يبقي حا يخرموا صاحبيكا
وحا يفضل مستقبلكا
وكل حاضركا
زي ماضيكا
فا لقيتني باصرخ
يخرب بيت امريكا
وباضحك
وباموت علي روحي من الضحك
خالد النشوقاتي
ـــــــــــــــــــــــــــــــــــــــــــــــــــــــــ
التصنيفات : امبارح | السمات:امبارح
أرسل الإدراج | دوّن الإدراج
