اشعار خالد النشوقاتي

خارج من ضهر اله
طالع للكون
شمس بتغمر وجه العالم
بطل اسطوري
خارج من قلب النهر الجارف
لحدود السموات
قابض علي سيف الخوف
والبهجه
طاهر جسد الانسان
اذا خاف
فا اتعرّف ع اللون الشفاف
وبرق بجبين للواحه
فا اتنصّب جوه اسر اله
آمون
اتوّسد جوه الملكوت
علي عرشه
فا اتحوّل طهره لخوف
قبل م يتمني خلوده
قتله الشوف
شاف الموت في صحابه
حياه
فا اتخلّص منهم
ما نفعش بكاه
ما عرفش البهجه
حتي في صلاه
ولا نبع الدمع انتهي
من جوه عنيه
الدم اتفرفط
بين رجليه
وابتدي يحلم للكون
وبني للحلم اسوار
وف لحظة م اتخطي السور
انهار
عبي من الخمر
أنهار
البطل الاسطوري
ماتت وياه الاسرار
زي م بيموت الليل
وينام علي طرف الكون
الف نهار
فيهل علينا جدار
لحظات سريه
حبة ضوء
العتمه تغ