اشعار خالد النشوقاتي http://khaled3-1elnoshokaty.maktoobblog.com اشعار بالعاميه المصريه Sat, 25 Apr 2009 16:48:39 +0000 http://wordpress.org/?v=2.6.5 en من انا؟ http://khaled3-1elnoshokaty.maktoobblog.com/953951/%d9%85%d9%86-%d8%a7%d9%86%d8%a7%d8%9f/ http://khaled3-1elnoshokaty.maktoobblog.com/953951/%d9%85%d9%86-%d8%a7%d9%86%d8%a7%d8%9f/#comments Mon, 14 Apr 2008 18:02:00 +0000 خالد النشوقاتي http://khaled3-1elnoshokaty.maktoobblog.com/953951/%d9%85%d9%86-%d8%a7%d9%86%d8%a7%d8%9f/ خالد النشوقاتي

————-

شاعر يكتب بالعاميه المصريه
عضو اتحاد كتاب مصر من اعماله - اول حياتي غرام - دراما شعريه صدرت سنة 1989 تأخذك في رحله الي قاهرة المعز الحي الذي ولد فيه الشاعرومنها- اول حياتي غرام
للحاره والمدنه
ولباسين اللسات
والملايه اللف

كما صدر له ديوان شجر الليمون - ديوان شعري سنة 1994 و منه -  شجر الليمون
فات النخيل
يبدر سباطه ع الطريق
من خشخشات اخر نفس
كان ارتداد الحلم شامخ
فرط العناقيد العنب

وصدرت له مسرحيه سنة 2000 ضمن اصدار دليل النصوص عن الهيئه العامه لقصور الثقافه باءسم  - النهارده فين -

وصدرت له اخيرا مسرحيه شعريه - محاكمة الفلاح الفصيح وتحت الطبع - ديوان نقوش فرعونيه
وديوان يا نخل
وقال عنه الشاعر الكبير سيد حجاب - قادر علي وضع اللفظ في قفص المعني
ونشر قصائده بأخبار الادب و جريدة العربي الناصري وجريدة الكرامه

]]> http://khaled3-1elnoshokaty.maktoobblog.com/953951/%d9%85%d9%86-%d8%a7%d9%86%d8%a7%d8%9f/feed/ جمال التربى http://khaled3-1elnoshokaty.maktoobblog.com/1206545/%d8%ac%d9%85%d8%a7%d9%84-%d8%a7%d9%84%d8%aa%d8%b1%d8%a8%d9%89/ http://khaled3-1elnoshokaty.maktoobblog.com/1206545/%d8%ac%d9%85%d8%a7%d9%84-%d8%a7%d9%84%d8%aa%d8%b1%d8%a8%d9%89/#comments Sat, 25 Apr 2009 16:48:39 +0000 خالد النشوقاتي http://khaled3-1elnoshokaty.maktoobblog.com/?p=1206545  

باعرف انافق

قصدى مجامل

واعرف اشيل الشنطه واناول

متخصص فهلوه واونطه

واقدر اجمّع ناس ورا يافطه

واعرف اطاطى منين م تروح

بس يكون وياك لحلوح

ممكن اكون جلاد او قاضى

واصرخ اقول مليان00ع الفاضى

واعمل دراسات ميه الميه

واكتب اقول دول اشرف ناس

بالمستندات

لو كانوا فاسدين او كانوا حراميه

متخصص تلفيق شعارات

وخبير تزوير انتخابات

اعلامى م الدرجه الاولى

كلامنجى وافهم فى الفوله

وقت الزحمه

اعرف اعوّر نفسى عليهم

قصدى اللى ما يتسموا00معارضه

واعمل محضر واكتب فيهم

شتمونا وضربونا هانونا

قالوا علينا ولاد حراميه

واحنا بنهتف للحريه

والحريه تمنها كويس

فى بعشرين00تلاتين00قول ميه

والوجبات00فول او طعميه

واعملّك اجدعها مظاهره

م الازهر لميدان الطاهره

اسمى يا باشا(جمال التربى)

باقعد ع القهوه من العصر

والحوش جنب القهوه هناك

اول حوش من باب النصر

]]> http://khaled3-1elnoshokaty.maktoobblog.com/1206545/%d8%ac%d9%85%d8%a7%d9%84-%d8%a7%d9%84%d8%aa%d8%b1%d8%a8%d9%89/feed/ مش ممكن ارشح نفسى رئيس! http://khaled3-1elnoshokaty.maktoobblog.com/1206542/%d9%85%d8%b4-%d9%85%d9%85%d9%83%d9%86-%d8%a7%d8%b1%d8%b4%d8%ad-%d9%86%d9%81%d8%b3%d9%89-%d8%b1%d8%a6%d9%8a%d8%b3/ http://khaled3-1elnoshokaty.maktoobblog.com/1206542/%d9%85%d8%b4-%d9%85%d9%85%d9%83%d9%86-%d8%a7%d8%b1%d8%b4%d8%ad-%d9%86%d9%81%d8%b3%d9%89-%d8%b1%d8%a6%d9%8a%d8%b3/#comments Sat, 25 Apr 2009 16:18:20 +0000 خالد النشوقاتي http://khaled3-1elnoshokaty.maktoobblog.com/?p=1206542 حا اشترى كام بدله وكام جرافته

وجوز قمصان وجوزين شرابات

واصبغ لون شعرى واتخن صوتى00

وحا افرد ضهرى00وحااصرخ بالصوت00

الحيانى فى الانتخابات

وحا اموّل حملتى من امريكا معونه

جايه فى صندوق الدولارات

صندوق علشانى وعلشان غيرى

وكام صندوق علشان التانى

اللى مسمى التمويل00اعانات

يا اخى شىء من بره

وشىء من جوه ويمشى الحال

واهى ماشيه

بينى وبينك

اللى مخوفنى الشعب

الناس يعنى

اللى ساعات يتهيألك انها مش فاهمه

وفجأه

وبدون انذار بتقوم وبتقلب

وتجيب اللى عاليها واطيها

اوعاك تآمن له

الشعب ده قال:

               مطرح م تآمن شك

هو اللى قايلها

شوف وافهم بس دماغه بتوصل فين

علشان لما يقوم ويدربكها

يقولك م انا قلت00فهمت!

وحا اقولك سر

عارف بقى بيقوم امتى

ساعة م تحس ان انت خلاص00اتمكنت!

انا يعنى صراحه عن نفسى00فهمت

علشان كده معلش يا صاحبى

مش ممكن ارشح نفسى رئيس

 

خالد النشوقاتى

 

]]> http://khaled3-1elnoshokaty.maktoobblog.com/1206542/%d9%85%d8%b4-%d9%85%d9%85%d9%83%d9%86-%d8%a7%d8%b1%d8%b4%d8%ad-%d9%86%d9%81%d8%b3%d9%89-%d8%b1%d8%a6%d9%8a%d8%b3/feed/ محمد نوح http://khaled3-1elnoshokaty.maktoobblog.com/1206539/%d9%85%d8%ad%d9%85%d8%af-%d9%86%d9%88%d8%ad/ http://khaled3-1elnoshokaty.maktoobblog.com/1206539/%d9%85%d8%ad%d9%85%d8%af-%d9%86%d9%88%d8%ad/#comments Fri, 24 Apr 2009 12:04:06 +0000 خالد النشوقاتي http://khaled3-1elnoshokaty.maktoobblog.com/?p=1206539  

شفته

على باب الفتوح

وسمعته آدان بيصلى00للوطن

وف قلب العتمه الرخوه

لقيت صوت راجل

اجمل من النقش المملوكى

على حيط لجدار00الضل

استنى عليه

وعمل م العتمه ملامح

لكن

باب النصر هناك مفتوح

فاتمدت ايد

وخرج م القلب شديد

الصوت اللى اترجت له جدران الحاره

وشواشى النخل

وبدا كنسيم الضوء

اللى اتفجّر فى العتمه حياه

ياااااااه

يا قلب وغنى للكون لمداه

لحقيقه

وكأن الناس الخايفه بتستناه

الله

يا معطر صدرك بتراب الوطن الاسمر

انفض فى عروقك يا اسمر

حنى طراطيف الغنا واشغلنى

ده انا ياما سهرت الليل مع مددك

واتمنيتك لحن وغنوه

تتغنى فى حاره فى عطفه

تتغنى على سطوح على قهوه

تتغنى على الطبليه

واحنا بناكل ونغنى

واحنا مصاحبين الصبح

ورايحين الشغل وبنغنى

فتشقشق

زى الشمس م تطلع يوم بدرى

يا ابن النيل يا اسمر

خدت من الاصوات الحيه

حياه

وعملت سفينه

فى قلب طوفان الحلم

نجاه

يا الله

لا تنسانا

 

خالد النشوقاتى

 

]]> http://khaled3-1elnoshokaty.maktoobblog.com/1206539/%d9%85%d8%ad%d9%85%d8%af-%d9%86%d9%88%d8%ad/feed/ مريم http://khaled3-1elnoshokaty.maktoobblog.com/1206536/%d9%85%d8%b1%d9%8a%d9%85/ http://khaled3-1elnoshokaty.maktoobblog.com/1206536/%d9%85%d8%b1%d9%8a%d9%85/#comments Fri, 24 Apr 2009 11:34:14 +0000 خالد النشوقاتي http://khaled3-1elnoshokaty.maktoobblog.com/?p=1206536  

        "يا بنت الكلب غبتى كتير عليّه

         ياااه00كنتى فين؟"

مش بدارى الحسن ولاّ

حسنك الفتّان لجوه

ضحكتك بترج روحى

بسمتك تنفع غلاف

لجدع مجله

مين فى رقة بنتى مين

عقد فل بيحضنه رموش عاشقين

ولاّ رعشة كف خايفه00بتلمسك

وتتوه مع الشوق فى الحنين

ولاّ دمعة خوف بتجرى

وتختفى جوه السنين

آه00كنتى فين

هزهزى سريرك وغاغى

اسكنى قلبى ودماغى

اسحفى وحمينى فرحه

اشرقى وعليلى ضحكه

وادخلى الدكاكين ولاغى

كسرى الموجود باءيدك

والبسى الفستان فى ايدك

افتحى قلوبهم باءيدك

العبى بكل اللى داخل

واللى خارج

ايد ماليها اكياس وايد تانيه

بتلمس شوق فى ايدك

آه00يا عيدك

معقوله مرت سنه

احتفلنا ويا اول سنه ظهرت

عضتينى

عضى تانى

فوّقينى

عيّشينى فى الحقيقى

بلى ريقى

سكنينى جوه منك

جوه منى حته منك

اسكنينى

قومى هوبه

خطى فوق قلبى وحاسبى

حبه00حبه

انتى بالنسبه لى ايه

ايه ولاّ ايه ولاّايه ولاّايه

احساس جديد

وعقلى ما جربوش

آه

ده احنا ياما حلمنا بيكى

شكل شعرك

لون خدودك

مشيتك

ضحكتك

ندى صافى على خد الورود

لون دمعتك

واختلفنا فى لون عنيكى

واتفقنا فى اسم

انا وامك نسميه لك

ولكن

طل خير اخضر وطير

النسيم كان طازه صابح

الرخام الصلب لان

بين صوابعى الفن بان

جانا هاتف او حلمنا

ضحكه عاليه وبتقابلنا

قلبى بيرجرجنى خايف

ناس بتحضن وتبارك لى

كل قلب وبيشاركنى

ايه اللى جانا

جاتنا "مريم"

 

خالد النشوقاتى

]]> http://khaled3-1elnoshokaty.maktoobblog.com/1206536/%d9%85%d8%b1%d9%8a%d9%85/feed/ ورقه من كتاب(الفلاتى لابن الشرابيه) http://khaled3-1elnoshokaty.maktoobblog.com/1206533/%d9%88%d8%b1%d9%82%d9%87-%d9%85%d9%86-%d9%83%d8%aa%d8%a7%d8%a8%d8%a7%d9%84%d9%81%d9%84%d8%a7%d8%aa%d9%89-%d9%84%d8%a7%d8%a8%d9%86-%d8%a7%d9%84%d8%b4%d8%b1%d8%a7%d8%a8%d9%8a%d9%87/ http://khaled3-1elnoshokaty.maktoobblog.com/1206533/%d9%88%d8%b1%d9%82%d9%87-%d9%85%d9%86-%d9%83%d8%aa%d8%a7%d8%a8%d8%a7%d9%84%d9%81%d9%84%d8%a7%d8%aa%d9%89-%d9%84%d8%a7%d8%a8%d9%86-%d8%a7%d9%84%d8%b4%d8%b1%d8%a7%d8%a8%d9%8a%d9%87/#comments Wed, 22 Apr 2009 20:03:02 +0000 خالد النشوقاتي http://khaled3-1elnoshokaty.maktoobblog.com/?p=1206533 كان الشارع00وكانت

خارجه من بطن عجوز

بتمارس عهر سنين

بتخطى

فيغطوا الدنيا بخور

وتخش الحمام قدامهم

ضحكتها بصوت مبلول

مية محياه

كانت بتطير بجناح

تسند رجليها على باب النصر

والرجل التانيه على بوابة المتولى

واحد شافها فى جامع00ضهرية

م الجعانين اتلمت على واحد ميت

فاكلوه

وليلتها شافوها فى حضن الوالى

كان الشارع وكان

احمد عرابى

-فاكر لما اتغدى براجلين

 بعد م شربوا الشاى والشيشه

 اهى عدت فى اليوم ده وطلعت

 ع "الخوَاص"

 طرحتها الخضره لحد كعوبها

 ماشيه وفارده فى عودها

كان الخوّاص

قاعد بيبيع الخوص

والناس

ثايرين00جايين

شايلين مشاعلهم

خباها "الخوّاص" تحت الخوص

سألوه

 تحت الخوص

سألوه تانى

 تحت الخوص

فاسبوه

لمّت قلبها من تحت الخوص

جريّت

     - لازم بنت الزانيه تموت

       وسّخت الحسنيه

فى ميدان الجيش

قصدى فاروق الاول

كان لسه عرابى بيخطب فى الناس

احمد كخه بسيفه

البططى

شايل كشف الجهاديه وواقف

النسوان

مجموعه لابسين ملايات اللف

مجموعه خارجين لابسين قمصان النوم

وعيالهم بلابيص

الرجاله

عين لعرابى00وعين ع النسوان

وعرابى بينبح حسه

المشهد

ان الرجاله وقفوا جنب النسوان

ووراهم

رغم البرد

عرابى00وصلت له حراره

فاستأذن منهم يطلع بيته

احسن محصور

فالقاها على سريره اجمل م تكون

اللون البمبى غالب00تحت الشفاف

وعيون مليانه برغبة كل النسوان

بصوابع فاهمه وعارفه

بتدوّر على حاجه فى جسمه

شفايف

لا ف يوم داق ولا حا يدوق

ما فضلش فى صوته كلام

واتمنى ما تتكلمش

الناس حرارتهم طالعه له

وحراته خارجه من الشباك

فاخرج عريان

وحلف بطلاق نسوانه00بكل الايمان

انها لسه شريفه

اطهر من كل النسوان

وانها حا تعدى عليهم واحد واحد

تحكى لهم

سقّفت الرجاله

وسمعنا"الله اكبر"ولاول مره

بره الجامع

لكن00لما عرابى ما قدرش

بعد م حاول00مره واتنين وتلاته

اصبح بهلول

بيحارب كل الدنيا

على صدره

نياشين00من غطيان لقزايز فاضيه

0000000000000000انتهى

    الباقى سطور مش واضحه

المصدر:من كتاب(الفلاتى لابن الشرابيه)

تعليق:يقال ان المصدر مش مظبوط

      علشان ابن الشرابيه

      اهله انضربوا فى خناقه مع الحسنيه

      فشوه فى عرابى

      اما فى مصدر تانى مجهول الاسم

      ان عرابى اتجوزها

      وخلف منها كتير

      واحد منهم باع القهوه

      اللى نجيب محفوظ

      كان بيحب القعده عليها

      وباع صوره لعرابى

      على حصان

اما كبار الحى فقالوا:

        قتلناها

      وعرابى ما خلفش

      اصله ولمؤاخذه كلمه فى سرك

      عرابى

      كان لمؤاخذه

      مالوش فى النسوان

 

خالد النشوقاتى                      

]]> http://khaled3-1elnoshokaty.maktoobblog.com/1206533/%d9%88%d8%b1%d9%82%d9%87-%d9%85%d9%86-%d9%83%d8%aa%d8%a7%d8%a8%d8%a7%d9%84%d9%81%d9%84%d8%a7%d8%aa%d9%89-%d9%84%d8%a7%d8%a8%d9%86-%d8%a7%d9%84%d8%b4%d8%b1%d8%a7%d8%a8%d9%8a%d9%87/feed/ يا منفلوطى http://khaled3-1elnoshokaty.maktoobblog.com/1206530/%d9%8a%d8%a7-%d9%85%d9%86%d9%81%d9%84%d9%88%d8%b7%d9%89/ http://khaled3-1elnoshokaty.maktoobblog.com/1206530/%d9%8a%d8%a7-%d9%85%d9%86%d9%81%d9%84%d9%88%d8%b7%d9%89/#comments Wed, 22 Apr 2009 19:13:22 +0000 خالد النشوقاتي http://khaled3-1elnoshokaty.maktoobblog.com/?p=1206530  

اشتهيت مرمر بيتشكل جمال

النسمه تقدر تعبره

فى أى وقت وتهجره

تتشكل النسمات00قسمات

على راحة السنين

وتمد ايدك تشتهيه

يلعب معاك

لعبة الرمان

اللى فرطه حلال

يا منفلوطى

اللى اشتهاك00خيّال

وخال عليه لعبك

يا اللى بتغازل عيوننا المبلولين

من ميتك

يا شهد خالص

واشتهاك نشوان

حرّك عيونى

نام فوق صوابعى00اهدهدك

قلبى اللى ناحته من رخام

اتهد لك

العشق لك

السهد لك

البدع لك

يا صاحب الرعشه اللذيذه المعجزه

العشق للحبايه نار

احمر ملعلع مرمرى

ساعة م تتفرفط فى كفى

اجمعك

مين يمنعك

تدارى منى فى توب حرير

ومشبكاه تشابيك00شبك

متشبكين

يا طول حنينى لفكها

تعرف صوابعى00سرها

روعة00حسنها

امنعنى لو تقدر

ويا القمر نلعب

نغطس فى ضيه

نغرق فى بحر غطيس

والشوق يمرمغنا

نحلم مع المغنى

برنة الرمان

ويرتوى العطشان

م اللى فرطه حلال

يا

منفلوطى

 

خالد النشوقاتى

]]> http://khaled3-1elnoshokaty.maktoobblog.com/1206530/%d9%8a%d8%a7-%d9%85%d9%86%d9%81%d9%84%d9%88%d8%b7%d9%89/feed/ خرطوش http://khaled3-1elnoshokaty.maktoobblog.com/1206527/%d8%ae%d8%b1%d8%b7%d9%88%d8%b4-4/ http://khaled3-1elnoshokaty.maktoobblog.com/1206527/%d8%ae%d8%b1%d8%b7%d9%88%d8%b4-4/#comments Mon, 13 Apr 2009 20:34:31 +0000 خالد النشوقاتي http://khaled3-1elnoshokaty.maktoobblog.com/?p=1206527  

زى اديك يوم ما اتمدت

على حاجه ماهيش عجباك

زى فى مره ما حبيت

وسمعت باحبك منها

حسيت لحظتها00انها مش هيه

وانك بس اندبيت

هو ده احساسى

ساعة ما قريت الجرنان

وعرفت ان الريس

قاعد مش حا يسيبنا

رغم خراب البيت

والغيط

وضياع الصيت

فتخضيت

 

خالد النشوقاتى

]]> http://khaled3-1elnoshokaty.maktoobblog.com/1206527/%d8%ae%d8%b1%d8%b7%d9%88%d8%b4-4/feed/ خرطوش http://khaled3-1elnoshokaty.maktoobblog.com/1206524/%d8%ae%d8%b1%d8%b7%d9%88%d8%b4-3/ http://khaled3-1elnoshokaty.maktoobblog.com/1206524/%d8%ae%d8%b1%d8%b7%d9%88%d8%b4-3/#comments Mon, 13 Apr 2009 20:27:38 +0000 خالد النشوقاتي http://khaled3-1elnoshokaty.maktoobblog.com/?p=1206524  

 

بطنى اتقلبت

ومزاجى اتعكنن

وما عودتش زى الاول

لا فى رغبه فى نوم

ولا اكل

ولا حتى قرايه

ولا كتابه

ولا شعر

انا زى فطار

اتقدم لى الصبح وما عجبنيش

ففطرت

 

خالد النشوقاتى

]]> http://khaled3-1elnoshokaty.maktoobblog.com/1206524/%d8%ae%d8%b1%d8%b7%d9%88%d8%b4-3/feed/ خرطوش http://khaled3-1elnoshokaty.maktoobblog.com/1206521/%d8%ae%d8%b1%d8%b7%d9%88%d8%b4-2/ http://khaled3-1elnoshokaty.maktoobblog.com/1206521/%d8%ae%d8%b1%d8%b7%d9%88%d8%b4-2/#comments Mon, 13 Apr 2009 20:20:54 +0000 خالد النشوقاتي http://khaled3-1elnoshokaty.maktoobblog.com/?p=1206521 انك تركب اوتوبيس

من غير ما يضايقك حد

او حد يشوفك

يضحك لك

ضحكه بجد

او تلقى الناس فرحانه

بيوم الحد

مع ان الحد ده عادى

زى بقيت لايام

انا مريت بده كله

لقيتنى حزين

 

خالد النشوقاتى

]]> http://khaled3-1elnoshokaty.maktoobblog.com/1206521/%d8%ae%d8%b1%d8%b7%d9%88%d8%b4-2/feed/